Filastrocche

Ciceri, ciceri mamma

(questa continua ma non so le strofe)

Ciceri, ciceri mamma

ficiamu a pasta e na mangiamma

mo chi nchjanamma la scala santa

trovamma u fessu pemmu mi campa

Donna Laura mia

Donna Laura mia nessunu duomina

Levativi do riposaturi

mentitivi li caprienti

guardativi dei mala 'ncuntri

ca sa t'aggranci si mingrhijau cu biesti puopulu

e si non curriti cu l'abbundanzia perditi tutta a sustanzia

Signora Laura mia nessuno comanda

Alzatevi dal letto

mettetevi le scarpe

Fate attenzione a cattivi incontri

ha litigato col popolo

e se non correte con l'acqua perdete tutti gli averi

Mo vena Natali

Mo vena Natali

on tiegnu dinari

mi pigghjiu na pippa

e mi mientu a fumari

Filastrocca del silenzio

Passa donna dianora

cu' càntaru nta menzalora

Cu' parra u primu s'ancannola

Nci ciercu i Chjavi a sant'Elìa:

puozzu parrara sulamenta io

Stanotta mi nsonnai

Stanotta mi nsonnai

ch'era prieviti e cumpessai,

cumpessai na monacheda,

santu lampu ch'era beda...

Stanotte ho sognato

Che ero prete e confessavo

confessavo una monachella

Santo lampo quant'era bella

Domana è dominica

Domana è dominica

nci tagghjiamu a testa a Minica

Minica non c'è

ncià tagghjiamu a du rre

u rre è malatu

ncià tagghjamu a du soddatu

u soddatu hfaci' a guerra

mi ssettamu c'u culu cca 'n terra

Domani è Domenica

Gli tagliamo la testa a Minica

Minica non c'è

Gliela tagliamo al re

Il re è malato

gliela tagliamo al soldato

il soldato fa la guerra

Ci sediamo col culo per terra

Tirituppiti cocciu d'agghianda

Tirituppiti cocciu d'agghianda

cconsiti u tuppu ca jhiamu a na vanda

cconsatillu pulitu pulitu ca stasira ti vena lu zitu

cconsatillu ngarbatu ngarbatu ca stasira ti vena u canatu.

Tirituppiti pezzo di ghianda

Aggiusta il tappo che andiamo in un posto

sistemalo bene bene che stasera arriva il fidanzato

preparalo con garbo che stasera ti viene il cognato

Ahi, ahi, ahi

Ahi, ahi, ahi

beda mugghjieri chi capitai....

nci ccattai gugghjia e hfilu

m'on na vitta cusira mai...

Ahi, ahi, ahi

bella moglie che mi è capitata

gli ho comprato ago e filo

ma non l'ho vista cucire mai!

Na vota avìa

Quando i bambini chiedevano insistentemente "nu cuntu", spesso gli adulti rispondevano con queste tiritere scherzose:

-Na vota avìa nu viecchju cu na vecchja

chi si pistavunu u culu c'u cuvierchju...

- Na vota c'era nu rre

cu li cavuzzi uguali di me

li buttuni l'avìa de lignu

stativi quieti ca mo' vu ncignu

- Na vota c'era cu' c'era

hfocularu e ciminera

ciminera si sdarrupau

hfocularu s'impittau

- Cuntu, cuntuozzu

cuntu quantu puozzu

quandu on puozzu cchjù

cuntatillu tu

Una volta c'era un vecchio con una vecchia

che si rompevano il culo col coperchio...

Una volta c'era un re

Con i pantaloni uguali a me (ai miei)

I bottoni erano di legno

statevi zitti che ora inizio

Una volta c'era chi c'era

focolare e ciminiera

ciminiera si è distrutta

focolare si è schiacciato

Racconto, raccontosso

racconto quando posso

quando non posso più

raccontatelo tu!

Caru cumpara

Caru cumpara, domana ti mbitu:

port 'a carna cá io mientu 'u spitu;

porta 'u pana c 'o mio è mucatu;

porta 'u vinu c 'o mio mio è acitu;

caru cumpara, domana ti mbitu.

Avìa nu vecchjariedu nte nu stigghju

Avìa nu vecchjariedu nte nu stigghju

chi si lu pettinava lu battagghju

e dà passau na vecchjia cu nu runcigghju:

- O mi lu mienti tuttu o ti lu tagghju!

Filastrocca della sarta

U luni luniiai,

marti e miercuri onfilai,

u juovi perdivi a rocca,

u vennari a cercai,

u sabatu a trovai,

a dominica mi riposai.

Tirittuppiti

Tirittuppiti cuocciu d'agghjanda,

CCONZATI U TUPPU CA JAMU A NA VANDA,

CCONZATILLU PULITU PULITU

CA DOMANA T'ARRIVA LU ZITU,

CCONZATILLU NGARBATU NGARBATU

CA DOMANA T'ARRIVA U CANATU.

Cuntu

cuntu cuntuozzu

cuntu quantu puozzu

quando o cuntu chiù

ti lu cunti tu